პროგრამა წარმოადგენს ინტერდისციპლინურ მიმართულებას, რომელიც თანამედროვე ციფრული ტექნოლოგიების ინტეგრირებით უზრუნველყოფს საქართველლოს მემკვიდრეობის ნიმუშების კვლევას, დოკუმენტირებასა (Digitization) და ვიზუალიზაციას. მისი მთავარი მიზანია ღია მონაცემთა ბაზების, გეოსაინფორმაციო სისტემებისა (GIS) და ვირტუალური საგანმანათლებლო რესურსების შექმნა, რაც ხელს უწყობს მემკვიდრეობის შესახებ ცოდნის გლობალურ ხელმისაწვდომობას, საფრთხის წინაშე მყოფი ძეგლების „ვირტუალურ კონსერვაციას“ და ახალი თაობისთვის ინტერაქტიული საკომუნიკაციო სივრცის ჩამოყალიბებას.

საგანმანათლებლო პროგრამა მიზნად ისახავს მემკვიდრეობის სფეროში ინკლუზიური გარემოს შექმნას, სადაც სკოლის მოსწავლეები, ახალგაზრდები და ადგილობრივი თემები პროცესების აქტიური მონაწილეები ხდებიან. მიმართულება ფოკუსირებულია ფართო საზოგადოებაში ცნობიერების ამაღლებასა და ინტერესის გაღვივებაზე, რაც უზრუნველყოფს საზოგადოებრივი რესურსების ეფექტიან მობილიზაციას მემკვიდრეობის დაცვის, მოვლა-პატრონობისა და პოპულარიზაციისთვის, აქცევს რა თითოეულ დაინტერესებულ პირს მემკვიდრეობის ქომაგად.